يايُمه تكفين اسمعي هالمره عندي لك كلام
يايُمه انا مااكذب عليك ان قلت لك مجنونها
يايُمه انامن شفتهاحتى عيوني ماتنام
مثل القمرشفتي القمروالله اني اشوفه دونها
لوطاح قلبي واحترق والله وربي مايلام
حتى الكحل في ذمتي شكله يحب عيونها
وش هي عيون البندري وش هي بعد ضحكة سهام
لوتجمعي كل البشر في عيني مايسوونها
لاسلهمت لي بعينها اجي واناكلي اهتمام
ارسم لي ورده واجتهدواقول انااعرف لونها
يايُمه ماهي من البشرلاوالله لايمكن حرام
هذي رساله غامضه وتعبت في مضمونها
اضيع لاقالت بعد واموت لاقالت تمام
اموت وادفن في الثرى ولاافكراني اخونها
هي غايتي في دنيتي هل كل حبي والغرام
وش هوالدلع وش هوالولع وش هي الحياه بدونها
يايُمه هذي شمعتي لاحل بي ليل الظلام
والليل والله شعرهالاثال فوق متونها
متواضعه في حبهاشيخه ولاتحب الخصام
متميزه في وصفهاكل الملا يطرونها
لاعضّت شفاهاتراني اجلس ولااحب القيام
كني فقيروغايتي بعض الأمل في عونها
وادعي لهادايم بعد حتى واناوسط الزحام
يالله دخيلك ياولي شمعتهالايطفونها
لاجيت وهي متضايقه احس بالدنياظلام
يايمه اقسم لك قسم قلبي غدى مجنونها