ياشيخه لا تقولي شي مدامك ماتعرفيني
وانامعقوله اتكبرعليك الله لايقوله
يابنت الناس لومره اناودي تشوفيني
فقيروحالتي حاله ومترونص مااطوله
ولكني قوي بالله واتحاشى علي ديني
احب البر والصحراء واحب الشعر واقوله
واحب الشهم ولد الشهم لوساعه يخاويني
ولا من شفت اناالفزعه ابدمااقول وش هوله
واحب الضيف لا جاني واحب الشاهي الصيني
وروحي من تراب الحقد لابالله مغسوله
احب الصيد واحسه غدى يسري بشراييني
واحب امشي على الرمضا واحب آخذ بهاجوله
ماحب اقول للظبيه دخيل اهلك تحبيني
واحب الشاص ذاك اللي على ماقيل كبسوله
ماحب المظهرالكذاب في مجمل عناويني
واحب الكلمه اللي من حبال الصدق مفتوله
ماحب احقد ماحب احسد ماحب الهم يطويني
وقلبي يحب يتعذب ويسعدكل من حوله
ماحب العب على غيري ماحب اخدع محبيني
لواخسركل من حولي وتغدي الروح مشلوله
هذا انايابعدعمري هذا انابكل مافيني
ولوبه مشكله والله وباذن الله محلوله