لباك.. لبى هالمسا في حضورك
ولبى شعورٍ بالموده يطرّيك
ياحلم ساكن بين نوري ونورك
الشوق فيني بالمعاني يناجيك
وينك تجي وتشوف باقي زهورك
وشلون ذآبل عودها في محانيك
أكتب حزن وأعزف بقايا غرورك
في نآي فقدي والرحيل وموانيك
تعال وأمتعني غلا من شعورك
تعال لحنّي قصيده وأغنيك
تعال لا تهدم بقايا جسورك
الوصل قايم والرجا في معاليك
بسك تذوقني من البُعد جورك
في غيبتك حين وأنا ميتٍ فيك
لباك لو ترجع وأعانق حضورك
الليل جون والسهر صدر مغليك