مشكله لاصرت تدري وش بلاك
وتدري أكثر زايدٍ فيك البلا
مثل حال الي جفاك وماجفاك
إيتصنع ب المعزه لك ولا
اعترف ماكان تدريه يخفاك
ليت من بدّى جميله كمّلا
لا لمحت الي مهو في مستواك
جنّبه خله يلالي بالخلا
مثل هذا بلوته تركض وراك
لا يهمك من لسانه دللا
الوجيه اشكال لو كثروا عِداك
نقوةٍ للطيب وفعل مجملا
ومن تشبه بالغدر ماله معاك
منهجه جساس بشهود الملا
اشهد ان الجرح لا منّه بغاك
من صديقٍ في يمينه نكّلا
او قريبٍ يرتقب ضيعة مداك
حِلمك بوقت الشدايد مدهلا
النصيحه ترتقب تبغي وفاك
اعتنز له بالقوافي واصهلا
تحتفي بك عن عيون الي بلاك
وعن هبيلٍ بالسوالف يجهلا