تبختري مادامها اليوم تدليل
أبيات شعري سقتها لك هدايا
تدلعي ياحلوة الغيد بالجيل
الجيل جيلك.. ياغلاي وهوايا
تمخطري في خطوتينٍ لي تخيل
إيقاع بدعك من جميل العطايا..
مادامي بعينك أفوق الرجاجيل
انتي ب عيني عن جميع الصبايا..
انتي وانا والشوق والثالث الليل
وحلو السهر.. مابيننا.. له حكايا
نعزف على بدع المشاعر مواويل
إحساس شاهق في عوالي سمايا..
نسهر غلا.. شوف اللقا دايم يميل
نسايمك.. شوقٍ.. تسربل مسايا
جيتك على حلم الليال المقابيل
في داخلي حبٍ غِرس..ف الحشايا
ماقول غبتي صدق ياروعة الجيل
وانتي معي وسط الضلوع الحنايا..