أنا والليل في سمرة نحايب جرحي المفتوق
نسولف عن لقى بكرى عسى بكرى يجي راهي
تعبت من الشقى ضايع أدور ذاهبات النوق
ادرهم صوت في عتم الظلام وخاطري ساهي
أنا من وقت يا روحي ليا مني طنيت أشوق
وأعانق شاهقاتٍ ما يجيها فالبشر واهي
ذبلت من الوفاء دايم وأنا أسامح كذا مخلوق
حليم الجرح (يالاحنف) تباها لونك الزاهي
ما بين أتوق واغضب لا زعلت ولا بغيت أتوق
أسامر ليلي الموحش شعور ونشوتي شاهي
على شفة بيالة بنت فكرا لا انزوت ب عروق
تسرسح وسط شريان الغلا لا شفها فاهي
حلاوة سحرها تنبت على جال الشعور عذوق
تقهويت اللقى مره وهي صدفه على ماهي
حبيبة فكري الغارق على ظلماي شفت بروق
تنوض بناظري غيمه ويمطر وجهك الباهي
تعالي نجدد اللقيا ونغرِق بالمعاني موق
ما دامك والبحر (قصه) يعلل أمرها الناهي
تولمتك أبي مره تقولي لي عن المفهوق
قريتك لين ما فكري بدى يغضي وهو لاهي
رسمتك بالحلا صوره تضاهي حسنك المرموق
على بروازها... زينك... تناقل بين الأفواهي
وأجيلك بالغلا وافي... نزيهٍ... ما يعرف البوق
اقدم لك هوى ذاتي شموخٍ يسبقه جاهي