الليالي.. بالأماني.. ما تجيب
ول يا حلم(ن).. ولا مره لفا
لاندهته صابني هم ونحيب
بح صوتي من معاليقي كفا
كل محّلم شفت شيً مستريب
كيف أطيب وجرح قلبي ما شفا
السنين عجاف زادت بي مشيب
أجدبت بي.. والفرح مني هفا
أتصبّر.. وأتأمل.. واستجيب
في طريق أشواك وأقدامي حفا
طش كل القول في قاع القليب
واترك الفعل المسمى ل السفا
لو عفيت اليوم يالجرح العطيب
من يرجّع نور.. ف أعماقي طفا
لا تسولف للقى وانت المُريب
ما خذيتك من.. وصالك مكتفا
ما كفاني.. منك إلا إني أطيب
من جروحٍ صارت ب جوفي حلفا
ما ضربتك حظ وإلا يا نصيب
جيتني وأنا أحسبك.. كلك وفا
ضاق كل الكون فاليوم العصيب
ما تزحزح ساق.. ولا جفنن رفا
غربتي منفى وأنا واحد غريب
في تعاليم الهجر صرنا ولفا