من لا تغانم قوته في شبابه
يلقى الحسايف لا غدا الراس شايب
والسيف لو ماينجردمن نصابه
مابان في حدّه وسوم الضرايب
ومن لايقايس ملبسه من ثيابه
يبين في لبسه خلول ومعايب
ومن لاحفظ ماله كلته الذيابه
لو ما يسوي له شبوك وزرايب
والجو لو يصفى يجيه انقلابه
تقلب صفاته ذاريات الهبايب
ومن طق باب الناس ينطّق بابه
ولكل فعل ردّ فعل وسبايب
من لاحسب للناس قدر ومهابه
يلقى المهونه عند وقت الطلايب
حسن عامرآل
عيسى