أنا المصرى اللى بانى
الأهرمات والسد
أنا ابن النيل وأجدادى
اللى صنعو المجد
أنا اللى تاريخى متأصل
وكل الدنيا عارفانى
وقبل إيديا ماتسلم
فاتح لشعبوها أحضانى
ومين ينكر جمال بلدى
وهيا بين شطوط نيلها
ومين جانا وشرب منه
لابد يعود يغنيلها
يشوف البسمة ف عنيها
ويقرالها تاريخ متعاد
وطلت خوفو م الشرفة
يشم عبير هوا الأجداد
وجاره خفرع الواقف
بيتوضى برذاذ النيل
بيرسم بكرة للعالم
ف لوحة لصبح شكله جميل
ومصر أهى فرشة منديلها
من الفجر لغروب الشمس
بتحسب خطوة أولادها
ما بين اليوم وغد وأمس
وتنده منقرع يسبق
خطاوى العد فيها سنين
تفسر حلمه قدامها
بولاد فى بطنها جايين
يهز دماغه ويبارك
وقالها أولادى مصرين
أنا مستنى أحفادى
قوليلى يا غالية غيرهم مين
وجينا نمد خطاوينا
ف طريق
من يومها حتى الغد
نكمل سكة أجدانا
بعزم وقوة مالهاش حد
وادى الصورة اللى كان
بيرسمها أجدادى
ومصر صبية متعايقة
وأخدها ف حضنها ولادى