احنا مين ياللى انت ديما
تشتكى وتنفر لوحدك
ما احنا هيا وهيا برده
اللى لسه غرمها وخدك
كلنا بنمسح دموعها
ونرسم البسمة بادينا
قبل ما تنده نجيلها
وننحنى ونقول ادينا
احنا مين وأنت مين
احنا مش متاسمين
هى عرفه اللى احنا فيه
داباس مين
لو صحيح فيه بينا جاحد
يبقى دول أس المصايب
كلهم خابت سهامهم
إلا واحد سهمه صايب
ابتسمتى له ابتسملك
اتخدعنا وقولنا مالك
بس هونتى عليه وهونا
بعد ما اتبطر ومالك
واما ملك حتى عرشك
تاه فى كل شؤن امورنا
قصده يخنق فيك سرورنا
امتى كان حضنك قبورنا
ولا امتى كان مصيرنا
تحت سيف ظالم جبرنا
هو لسه همومه جايه
واحنا بعناها وجبرنا
احنامين وانتى مين
احنا مش متاسمي
مانتى عرفه اللى احنا
فيه دا باس مين
كلناجسورك لبكره
خطى بسم الله وعدى
كل خطوه لفجر طالع
عدى كام أو كام فى عدى
مين فى عز الشدة فاتك
ولا ميل او حسبها
فكرينى بخطوة تاهت
من خطاويكى وحا سبها
احنا سمش ونيل وضله
احنا نبت سعيد بطينك
نبت بيفرع ويطرح
نبت من زرعت فطينك
احنا عيسى وجرج وأحمد
احنا طه وعم مينا
وانتى جوه قلوبنا ساكنه
زى مرسى لكل مينا
يعنى نبض لقب واحد
وانتى نبض قلوبنا بيكى
ياللى حجر الألف مدنه
احنا حضن لنور نبيكى
احنا مين وانتى مين
ولامين بياسى مين
انتى عرفه ان احنا
مش متاسمين
اشهدى يا أم العواصم
كام من الأحزان عنينا
والنهاردة وحتى بكره
مش ح نستخصر عنينا
م الألم بنفوت فى صخرك
صخره فوق صخره وعلينا
كل نقطة دم سالت
ع التراب كان دين علينا
مش ح نسال مين حليفنا
ولامين ناوى ينكفنا
احنا بعيونك حلفنا
اللى جاى حيكون بكفنا
احنا مين وانتى مين
احنا مش متاسمين
ما انتى عرفه اللى احنا
فيه داباس مين