ياطاهره، عذق الوله يهزع قطاف
والقلب يزعج صوب دارك نشيده
ياطا على حيدن قماطيرها رضاف
ماقال نارن يا لواهيب حيده
امد من غيبة مغاريم واحلاف
خوف الاسر ينير ويفك قيده
ياهل الكلام الي على فارس احناف
مذهبكم الله يحفظه مانريده
قرمن ليا منه دقل فوق مزهاف
خلا عناتيت العزاوي شريده
اليا اعتزا والعج من فوق مهياف
وكيل موتن ماتوانا وعيده
رجال وعتيبي وشاعر وعراف
عن لازم الرجله ماينقص رصيده
وفالشعر بدعه مع هوا النود هفهاف
عذبن تهبهب طارف النود جيده
وليا جهل سند على الساحه شعاف
نارن توقد من لهايب وقيده
ياجعل نذره من على الجزله ضعاف
الي قصايدهم هزال كسيده
من سمعها وده يبشر بجحاف
يحط فيهم وقعتن مستبيده
ولا ترا فارس مراميه نياف
ماغطرفت من ساقة البيض سيده
يصيدها من غير محمل ومجداف
ويصيغها درة بيوتن فريده
وليا دجا يغبش مغابيش سراف
خلا النفايل من القبايل عقيده
ينحر عتاري من هدب خرسها راف
كسيبة الي فالملاقا وليده
ريّث وياخذ من ورا العام مخراف
باسه تقوا طيب راسه وجيده
ينقى الجزل نقو الدرر جوف الاصداف
يبزا عَمَرها مثل بزيت وليده
شوق الرقاق الي على حقوها سناف
بنتن لتاريخ اليمامة تعيده
كم راع شعر فض خافيه خفخاف
لاقيل صوّخ عند فارس جديده