اقبلت بين الحقيقه وامال الغريق
كن بارق وجهها في سما ليلي سنا
ماكتمت من الاحاسيس ياخط الحريق
حالفن لكشف غطاها وابيحها هنا
حدثتني كنها في وسط صدري تويق
واخرفت ماقد تبقى من عذوق العنا
لين سمت باسمك الله جالي كل ضيق
وياخشوعن صاب قلبي وسلم ثم دنا
قال ياعين الظبي سابق الدمع الشهيق
انتي الحلم العفيف وتقاسيم الهنا
قالت الله .. قلت باقي محاجرنا تريق
انتي انتي؟؟ قالت الله وبيت الله ..انا
ياهنا الشعر الحقيقي وشاعره العريق
اقربي عاد اللقاء مبطين ماقد عنا
لك من الاشواق طودن فهق قمة طويق
لين بيض الخود غارت وقالت من لنا
يا اطهر من الطهر واصفا من صبي الرحيق
وش جزا من مر داني قطوفك ماجنا
غير واسمك جانب اسمي بميثاقن وثيق
والسلوم وسنة احمد وربي ضلنا
اقبلي يامنوة الروح والحب العتيق
يادعا من حج مكة وصلّى في منى
ماعشقتك غير عشقن لغيرك مايليق
كيف وانا اشوفك الانس وامٍ للضنا