على الهون ياهم توايق خشيش الدرج
فلا داع للازعاج والحزن والاحراج
انا حزني الي في خفوقي مايبغي سرج
على غصة ماهي توصى على الازعاج
وجودي وجود حويرٍ غادي له فرج
على ماردن مازل عذبه وشرب وماج
تعنه زعوج طافحً في خشيم الزرج
على ساقتن ماهي تغطابها الابراج
وانا والله اني في عذابن وحالي حرج
ولافادني سلوا جليسي ولاهراج
ابي من عليها الشعر ماساق بيتن عرج
الين العذارى من ورا الشعر جاها خلاج
غزال تتل الشوف لافاختت للمرج
وساع العيون الي بها الموت جاه افراج
فالايانديمي لاتباطيت خط الخرج
صحيبك منعه من المساري ضريم سراج
تركت العرب وابعدت من ذبذبات البرج
الين الله يقدر لما صابني مخراج
اخبر السعاده ماتخلي خزين الخرج
ياوش صار .. قمت ادفع على الضحك دمع وباج
مريضن لو اني في عيون الاعادي ضرج
مابي نظرة المتشفقه في وضع محتاج
احاكي طبيبن ماقنع من قصار الهرج
يشخص وانا الي خابر الضيم والمنعاج
علاجي ماهو بايت دواء ياطبيب البرج
ياكون العيون الي لجرح الخفوق علاج