مل جفنٍ فيه من وقع البطا
مايحرم للوسن ماطا حفاه
من وليفٍ ماعتق سرب القطا
ميتٍ يتنا من القبله نباه
قلبي الي مات في حروة نطا
عاديٍ به من خذا شوقي نفاه
جادلٍ لاقام يقصر بالخطا
يقصر اعمار العذراء من الحياه
كبلوني فالعيون اليا ارقطا
واسجنوني عند لحّاظ غشاه
مكحلٍ لو يفزع بحكم وسطا
ماغلب سود العيون وماوراه
ايه احبه لو عذابه بي سطا
لو غروري في تبختاره زكاه
مهرةٍ تنزا ولا تالف مطا
غير كفٍ طايش القذلة رفاه
وش صحيحٍ فالمحبه وش خطا
والجروح تقول للكاوي فداه
ان كذبت .. العين مامعها غطا
وان صدقت .. القلب بيح به عناه
اخر حروفه حديثٍ لبسطا
اقتلت قلبٍ عقب ماقال فاه
العطا تدري وش جزال العطا
بسمةٍ تعتق رهايفها الشفاه
ماطرحني سم فرقا ينعطا
ولارماني غير لايعتق طراه
شوفت ان الدمع في خده وطا
ساعة الي وادعٍ قلبه وراه
لاكثح برقٍ ومزنه ذا حطا
قاع ديرة من هما الحسن اكستاه
بنحره واهيم وادي به لطا
لو احرّم من دريع ومن فعاه
وادين به روض معلوقي شطا
ادفنوني عند مقطانه وماه