ياناحلي من فوق ملحا على الدوه
هزعا تدرهم للمعنى خلاجه
مرباعها صدرن عن الغير مصكوه
ورويها من عندمن من مهاجه
ويلي على سمارها دون مكروه
والليل عسعس والقمر ذا سراجه
يحدي قصيدن شاعره لاعجم فوه
وينحر رجاسن ماتناحر وراجه
سبتين دون مهادي البال في خوه
مازان حتى قنطر الراس باجه
ويومي نويت اسنده صوب مشفوه
عيا علي الي تباطى فراجه
ذكرى الثنين الي ورا الحدب غصوه
جوف الثنين الي على ادنى مواجه
مع طيف زوله كنه بمن يعزوه
يومن نصيفة روحه ادنت لجاجه
تنعى فقيده وتدانا لمشبوه
روح الحياة الي تخطرت سياجه
حلت وريده واصلبت روحه وجوه
عوج الثمان الي مابقت خراجه
عزوه .. لكن مادرو ليه ضاموه
سمو عليه .. ولادرو وش علاجه
ابطا يهل الدمع .. خافو وضموه
لا الروح تظهر مع دموعه ثجاجه
لا دورو للاجر .. مابطو وخلوه
يعقد بتوت المسبحه مع حجاجه
فمنهو يعزي من وقف في عزا بوه
من قبل ياقف والده في زواجه