يانجم ضيك ينسي السالي سهيل
ووديان شعري من مزونك تسايل
ادهل محلٍ يؤمن بكذبة ابريل
لامن طرا مزن الفراق وتخايل
غرياف قلبي مرحبا واهزع الميل
على نبانيب الخفوق وتمايل
يالي ضلوعي من غلاتك شماليل
ولاغيرك الي لانصا القلب طايل
قال الشعر وابا الحِكم والاقاويل
محدٍ مِثِلها يستحق المثايل
في غير وصف الي تفل العثاكيل
جف القلم واطفى السراج الوذايل
ياذا القمر يافارقٍ فالتعازيل
يالكمّل الي نادرٍ فالخصايل
عليك وصفٍ يلزم الرجل ترتيل
عصمٍ على طرق الدهاة الاوايل
ام العيون الي هدبها تهاويل
فعيونها سحر النظر غوج صايل
تطغى والى منه دعج عينها الميل
صابت قلوب البيض منها ملايل
واليا ضحكت باعذابها ضاع ماقيل
كنها تقول من التغطراس.. خايل
في مبسمٍ فيه الرهايف مراسيل
للي ورا عوج المحاني تهايل
ام الثليل الي كما عاتم الليل
وسيف النحر راقت عليه الجدايل
وخضابها من فوق جدب الغراميل
قطاف رمثٍ من عنى الطِهف مايل
وجلبابها الي واقفٍ دون تحليل
شوف الجياع من الضلوع النحايل
مثل الجنايب لاكست ندّر الخيل
عوق الكدايش كسوتن للاصايل
يا اربعينن قدم ميتين ماسيل
ياواحدٍ دون اربعينه تحايل
دمشق ريحانه شعف خاطر شعيل
من عقب جمر هويّده في محايل
يالكك جميلٍ مايبي اي تجميل
علي واسمك زاهين للجزايل
يا جاعلن عوج المحاني مداهيل
لبيوت شاعرها من الود شايل
حبٍ كبيرٍ يعجزه بارد الحيل
وقلبٍ عفيفٍ مارضى بالرذايل
وشعرٍ يورث فالغزل جيل عن جيل
تحت اسم من قفّل لمن سبق فايل
فالديجما لو عدّه اروى من النيل
ماله فغب الاطلسي كيل كايل
وراعي الحريق مهلهل الشعر تهليل
وريته نجوم الغسف فالقوايل
شعري يهجرس به من الطَرب حلحيل
فانا بدويٍ من زحول القبايل
ماللرذاله فالشعر من مواويل
عندي ولاني راعيٍ للفسايل
اشوم عن هتّاكت الستر بالقيل
وعن قول قولك يابيض الوجه مايل
وعن وصف ماحرم علي ربي بخيل
وفي العفة اندى من آكاريم حايل
والله ماكشف مانستر للرياجيل
لاوالذي ساوا الشواهق نثايل
الا اسمعي ياقايد الريم تآويل
حلم عليه من الحقايق دلايل
اني ببيتٍ للدهات القناديل
من من لهم في شرّد الشعر صائل
جرير اعشى اصمعي شاعر الخيل
يصغون لي مما عليهم اوزايل
ولولا مخافة مرسل الطير للفيل
ان يسجدون لما ان اليوم قائل