اشره ومشروهي تراه لخوالك
ي كيف يبخل خالك بحبة الخال
لكن بدون الخال طاغي جمالك
متسيّدٍ بالزين في كل الأحوال
ي مستحل القلب قل وش بقا لك
كل شي خذيته واصبح الحال منحال
تأكد أن كل شي فيني فدا لك
ي اقرب من الأنفاس وأغلى من المال
لك مجلسٍ بالقلب هذي دلالك
واسوق لك فنجال يقفاه فنجال
قلبي مقرّك ساكنٍ به لحالك
وبين الضلوع العوج لك خير منزال
م احسد عليك إلا لثامك وشالك
وجيدٍ تلوّى به من العقد سلسال
مبسم وخد وقد باهي دلالك
وعيون خرسٍ والخشم سيف قتّال
أنا طموحي ي غناتي وصالك
وأبيك تسعى للوصل واسعد الحال
وان شح وصلك ثم قفّى خيالك
سمّي على اسمي لا رزقك الله عيال
والى نشدوا عن اسم فارس خوالك
قولي احب الخيل وأبيه خيّال