دختنوس وقد مضى أربع سنين
من يناير ساعتي عشر وعشر
اذكرك مستاذنه دقيقتين
عقرب الساعة وقف لك ينتظر
ما انتبهت لساعتي كلّي حنين
انتظر جيتك وأمد النظر
في عيوني شوق يبعثه البطين
وأتلهّف لك وأنا أنفاسي شعر
يوم ارتّب من شعوري جملتين
ارقب وصولك تجي ي اجمل قدر
الجفا تمتم لوصلي كلمتين
خر مغشيٍ عليه من القهر
عدت من بعدك معي خفي حنين
أحمل الخيبة على ساق وظهر
اذكر انك قلتي بشعرٍ حزين
لا تخليني على جال الهجر
قد وعدتك وعد يوم الوعد دين
واحتميته حين دقيت الصدر
في ذرى صدري تذرّي بالكنين
نامي وخلي لعيوني ذا السهر
تذكري والليل قمرا تقصدين
معك من أول شطر لآخر شطر
تبدعين وتبحرين وتسهبين
بالدرر ومشاهدك اجمل درر
وجهك الوضّاح يومك تخجلين
غيمةٍ تحجب شعاع آخر عصر
الغروب اللي سكن بالوجنتين
من حياك يبان في خمسك عشر
لا فتلتي بالخجل ذا الشعرتين
أتأمل وإن فهقتي ذا الشعر
عاتقين وبس ما هم عاتقين
روح فارس ما لفارس من مفر
الغياب اللي خنق عرق الوتين
صرت اردد بالعنا طال السفر
دختنوس آواه من اربع سنين
ماتت الساعة على عشر وعشر