أقول لامنه هجد صدرك الضيق
واحترت لاتنشد مع الناس وش فيك
واكثر كلام الناس بالناس تلفيق
لامن بغيت الصدق ياقل معطيك
اصبر وتلقالك من الرب توفيق
لامن طلبته صاحب الجود يكفيك
لجل الرضا لاتعتذر للمخاليق
عليك باالي لارضى عنك يرضيك
فتش وراجع سيرتك والمعاليق
ممشاك قصه حينما الدرب يقصيك
وتشوف لو عندك بلأآثار تفريق
صوب السلامه طول بحثك يوديك
العدل صاحب والمنايا زواريق
والميل عنده واقف ابليس يدعيك
لوتترك الخاين يحوف الصناديق
ينحر ضميره والذمم وانت يشويك
مالك مكان بدون حفض المواثيق
وعهد الوفا كانك وفيته يوفيك
لاتطمع بغافل ولا تكون بطريق
يضحك بك الباطل وكبره يغطيك
عاد انت لاكثرت عليك المطاريق
الي تجنبها وهي ماتخليك
لاتبدي همومك سوى للمطاليق
اماكسبت العلم ولا معزيك
ياجار..اُحد..لاتبعدك سيرت اطويق
خير الجوار..ابرحلة الصبر ينبيك
العز حوله كان للمجد تحقيق
يحكي وقائع نور مازال يضويك
يسقي شموخه راحتك حالي الريق
مفعول ترياقه بلأشواق يرويك
سقياه تنبت داخلك زود تشويق
للمصطفى وابرار عاشو حواليك
مع دربهم ممشاك يحتاج تعليق
والعلم للي مطلع في خوافيك
يرضيك محيي يابسات المواريق
يحسن وفادك يصلح امرك ويهديك