ياقلبي
انسى جرحهم
وابدأ ياقلبي من جديد
وابعد ياقلبي عنهم
حتى ولو ح تعيش وحيد
دي الجنه نارفي قربهم
والبعد جنة شيء أكيد
ياقلبي دول طول عمرهم
الكدب ماشي ف دمهم
وان صدقوا مرة ف وعدهم
وده شيء يخالف طبعهم
يبقوا اكيد أيوه أكيد
عايزين يداروا حقدهم
وعايزني اقولك أيه كمان
وانت ياقلبي اللي إتأذيت
ياما نصحتك من زمان
وانت ياقلبي اللي إنكفيت
ماعرفت لك أبدا مكان
ولا أي شط عليه رسيت
ماشفت غير ذل وهوان
وياما م الغدر اشتكيت
مش عايزاضغط عليك كمان
وكفايه إنك انكويت
سيبك بقى وانسى اللي خان
وانسى في يوم انك بكيت
عايزك ياقلبي تبتسم
مع حب تاني وتترسم
ساعتها تلقى الف ورده
والف عين مع الف قلب
افرد لهم بس جناحاتك
وافرح وقول أهلا ياحب
حتعيش في دنيا من الجمال
وتشوف حاجات فوق الخيال
وف كل يوم الاقيك ياقلبي
بتقول مافيش بقى شيء محال
طول مالأمل عايش معاك
تلقى الجراح مالهاش مجال
كلمات الشاعر
حسني عبدالله جاد
عاشق الورد