لك العذر ياهاجسي لا من كتبتك ب القصيد
وغنيت انا من قاف شعري ل السنين الخاويه
عن شي ماهو في خيالي لو كتبته يستزيد
الا شعورآ قوته يشبه شموخ معاويه
جيت أكتب الغايه معاني راسخه مثل الحديد
حواس فكري همسها تصفيق دايم غاويه
قضيّتي فكرة شعر كل المعاني له عبيد
صفيت له جيش الفكر م دامها متساويه
وسمتها في وسم قافي شامخه ترقى تليد
في ليلةٍ من ضي حرفي بالجزايل ضاويه
في معرفة قول الكلام الي تصاريحه تبيد
عن سوّ حظ اشباه ناسٍ بالقسى متماويه
ب أعلّمك عن قول ماهو في صناديق البريد
لو زاد هرج الي حنوكه ب البلئ متلاويه
خذها صريحه دامها بالعلم والرآي السديد
موسومةٍ من نار فكرن في ضميري كاويه
وين العلوم الي عليها واحدٍ يبغى يجيد
تخالفوا نِقالها على رسوم الراويه
احدٍ على دينه خفس من دون والله مايريد
و احدٍ على دين اليتاما رادها ل الهاويه
فقرن عليهم زم حِمله لين جابه ل الجريد
و خلى ل منهو غايته يهيم وسط الحاويه
كذا كذا ياخطوط حمرا مايفيد ابك القصيد
أغناك ربي عيشةن وابطونهم لك خاويه