ليتني لا من ندهتك تسمعين
قبل يموت الشوق وأذبل بك انا
ياعظيمه ماعرفتك تكرهين؟
رِقة الاحساس .. ب أوصافك هنا
عاشقك يرسمك للحلم الدفين
عاشقك .. ل آماله .. الثكلى .. بنا
كيف أتوبك صدق وأسرف بك حنين
كيف .. أعيشك ..دون هم ولا عنا
كيف أنولك لا غديتي تسرحين
في خيالي .. من هِناك .. إلى هِنا
كيف بكتب بك جنون العاشقين
في ظلامٍ .. نورك .. الساطي .. سنا
أعترف لك كان ودك تعرفين
شمريّك .. لا .. قدح .. كله .. طنا
يقلب الدنيا .. علشانك يهين
مايهمّه .. لو جنى بك ما .. جنا ..
لاغدى يعشق كيانك لو تبين
ينتحر بك .. ينتهي .. بك .. ل الفنا
ليتني لا من ندهتك تسمعين
قبل يموت الشوق وأذبل بك انا ..