الجروح اللي من اسبابك تصول
من زمن وانتي لنفسي جانيه
شوفي جرحي والمواجع والذبول
وسيف هجرك فالضلوع الحانيه
انتظرت ايام وشهور وفصول
وطول صبري من التعب اشقانيه
السما ضاقت علي عرضٍ وطول
كيف انولك بس لو هي ثانيه
كيف اطولك في سما فكري واجول
فاردٍ لك باللقا جنحانيه
اوف ياحلم الليالي ويش اقول؟
وزود هجرك زاد بي احزانيه
شوفني في غربتي دوم معزول
انسجك ب إحساس وسط أوزانيه
اكتبك وأموت بك سحر وذهول
فيك شعري تعزفه قيفانيه
فاخره ب الوصف وصفك عيطبول
جنةٍ والنفس فيها هانيه
من بديع الذوق يابنت الاصول
امطري واحيي جميع اغصانيه
عاشقك يابنت من حظه مخذول
لا تزيدي بالقسى خذلانيه
شوفي جرحي والمواجع والذبول
وسيف هجرك فالضلوع الحانيه