ابسألك والحظ قاسي ومعثور
عن الذي ضيّع بيدينه دليله
ما تشبهين النور من عقب ديجور
ليلآ ذبح بي كل ذكرى جميله
لو اعتماد إنتي خِلقتي من النور
ما قلت يوم الطين من ينتمي له
نثرت لك عنبر وكادي وكافور
ومسك الغلا عطّر ضفاف الجديلة
من قبل تبدأ قصتي صحت في جور
كريم وصلك ما غمر سلسبيله
باكر يبين الحلم لا جيت ب أزور
دير الفراق ودعوتي وإتهليله
ما ناح بي خاطر من الفقد مكسور
على غصون الوارفات الخميلة
لو كل غلطة تندمح قلت معذور
ما بان في نفس القوي مستحيله
لا صرت تدري كل شيً يبي يبور
ما ينفعك لو زاد صوتك عويله
دم الكرامة يسكن إحساس وشعور
وأنا الشموخ اللي يعاف الذليلة