الجريئه المستحيه
الغريب..جارف رحيقها
هناك..وهىَ..بَصَه لِيك
الحنين..سابق عيونها
ما بترفعش العين..عليِك
هى الرمال من إمتى
تنكر جذورها؟!
ولا الجذور ينفع تزهر
بره عودها؟!
ولا السواقى
تدور رحاها
لو ساعدها..مش ساعدها؟!
ياطيبة..
ياأم الولاد الطيبين
جايين ولادك... عشمانين
بعد ما طَال الإنتظار
وطال معاهم المسا
صغيرين..بيشدهم
ليكى الحنين
شاطرين قوى
فى المحلسا
متعشمين..متأكدين
ما ترجعيهم خايبنين
ماهو الَعشم
ما يَقدره..غير الحبيب
مش اللى آكل قلب ديب
بُصى لولادك
فى الوجوه
الِطِيبه فيهم والوضوح
كل البراءة
تبقى..هُمَا
وهُمَا... دول الفُل الأبيض
فوق الجنانى.. والسفوح
إرويه يابلدى..ونطقيه
حتشوفى نور الضلمة..فيه
البَصه لِيِه...راح تسعدك
وتطمئنك... لو تسعديه
ضُميه يا بلدى
ورجعيه
لِمى زهورك فوق عيدانك
وبلاش يابلدى تقلعيه
رجعيه