الواد

الواد؟

وعترا

والبنت؟

سمرا

قمحاوى...لونها

والواد... ناقرها

عِتراَ..وفايت

فى أى حاجه

إلا قصادها

الواد لمين؟!

ما شافش أبوه؟ وجد جده؟!

مطلعش ليه زى اللى قبله؟!

ياناس..ياهووو

إزاى بعرقه؟ وعرقه مرقهُ

يطلب رضاها؟

خجول ياعِترا...لكن لإمتى؟

دا أنت مناها!

السمرا لما لاحظت عليه

طلبت من الله

يفك عقدة لسانه مره

قالت ياربى

دا هو طلبى

إديلهُ قوه..وحبة مِروَه

يزعق بصوته..يقولى:

رايد..

أربط مصيرى بالحلوه..سمرا

سمحه وطايعه..

أخلاقها عاليه

وصبوره..لما..

ولما..لما...؟

زاعقه...ورادعه

ناهية...وآمره

دلالها..يأسر

الكون بطله!!!

حلال عليها

لو إيه..تبعزق؟!

بدنك...ومالك

وإن كان عيالك؟

إيه يسوى حالك لو فُت سمرا؟!

دا الغير...رايدها

وكبيره هى...وفارده عودها!!

والخوف...تطير

يصحى بدنك

قُوم...فُوق...وغِير

فارسها إنتَ

وأنت...الأمير

ياعترا بأنصح

ما تفوتش...سمرا

السمرا فيها الجمال أسير

ورغم جالها..خطاب كتيييير

لكن عيونها.. ع العِتراَ بَردُوه

تقولش... ناقرا

حلفت ما يمهر السمرا غيره

ولا يناسبها لو مين

قريبها... أو حتى بره

والعِتراَ لسه...ملخوم بعرقه

وعرقه مرقه...يا ست سمرا

مَالَك يا عترا؟

عرقك زياده

حَتِدَن واقف بدون إفاده؟!

السمرا طول...صبرها

وإنت اللى لازم..تلتزم

وتصون عشمها..وخُطرها

إسمع نداها

يا عترا..

قدر..حبها

إتقدم...لها

إتقدم...لها