دقيت ناقوس الخطر عشر مرات
و الحاديه عشره توقعته يطيح
لو انها هقوات ما قلت نزوات
لو انها تلميح ما قلت تصريح
بيض النوايا ما لقت غير شرهات
مع ان دمعاتي تناثر مشافيح
بعض السوالف ليتها جلد للذات
كان انثر جروحي على ذمة الريح
لو توخذ الدنيا خراصٍ وهقوات
سال الظلام بوجه كل المصابيح
عاتبت سمعي!! قال ما مرّت اصوات
عاتبت صوتي يوم غنّى مجاريح
قلت السهر! قال السهر: مات ما فات
قلت التعب! قال: السحاب المراويح