أنا كلي أسف لو جيت لك ما جيت باعذاري
تحنّط حلمي بوجه الزمان وسالف عصوري
قريتك يا الطريق المظلم الأظلم من اقداري
ولا شفت أي حاجة تفرق غيابي عن حضوري
وحيد اتنفس اوجاع السنين إن مر لي طاري
وانا يا كثر ما كنت اختنق في ناري ونوري
سألت احساسي الميت عن التنهيد ف اشعاري
وفاجأني جواب احساسي الميّت عن شعوري
مقابر صمت تسكنها الحروف تقطّع اوتاري
ولو حبري يسيل بدفتري مسكي وكافوري
تعب هذا التعب يجتاحني.. يا طول مشواري
عجزت القى اليدين اللي تمد الوصل لجسوري
حبيبي وانت تاريخ الحياة وغيمة امطاري
تشربني الجفاف ف غيبتك واضحى ب مقدوري
أقول إن الحياة استسهلتني ف اصعب ادواري
وضقت بغربتي ذرعاً ودمعٍ يعشق عبوري
حبيبي والرسايل ميّتة تسأل عن اخباري
وانا اسأل عنك لحظات السهر وابوابي وسوري!