آه من ظلم الغياب ليا تمادى
يعصف بروحي وينسيني وجودي
سال صمتي في مسافاته ونادى
يا القريبة من حدود القلب: عودي!
كن موتي في شراييني تهادى
من بعد خطوتك ما اقفت عن حدودي
الليالي دون ما نشعر تعادى
ما لمحتيها وهي تقطف ورودي؟؟
طال التعب يا متلف القلب والروح
وانا جراحي مثل ما هي جراحي
وباب السهر من ضيقة الصدر مفتوح
عجزت لا اطلق من قيوده سراحي
سفينة احلامي على شطك تلوح
وبعكسها بالضبط هبّت رياحي
ولو ان قلبي منك ماهوب مجروح
ما كان غاب عن العيون انشراحي!
آه من تنهيد روحي يا محمد
وآه من وقتٍ غدا بالحيل ضدي
ما بقى عرقٍ بقلبي ما تجمّد
ولا لي الا افرك من الحسرات يدّي
غايبٍ يا خوفي ان كانه تعمّد
يبتعد ويغيب .. وانا الود ودّي
يشعل ايامي ب نارٍ ما ترمد
ضحكةٍ هتّانها بروحي يندي