مسا الرضى ياللي تجر التناهيت
تشكي صواديف الزمن ب الكتابة
مادري وش اللي صاير اليوم ازريت
ابحث عن أسباب اختلاف التشابه
بس الأكيد اني من المر شفّيت
أو استشفيت الحقيقه وبابه
دامك نقي في هالزمن كل ماجيت
تبي تشوف من الغثا والكآبة
نافق عليهم كل ماصبحت وأمسيت
وجرّد حياتك من طناخ النجابة
مره يبون تكون كول واتي كيت
ومره تبيع الشمس بأول غيابه
تبدلت كل المفاهيم يا ليت
ويا ليت صارت للاماني خرابه