اللى يبا يرقى على قمة طويق

اللى يبا يرقى على قمة طويق

لا بد ما يتعب يدينه وأقدمه

ومن لا يجيد العوم ما ينقذ غريق

لو طحت في وسط البحر لا تزهمه

لا تنخدع في كل شي له بريق

ولا تحسّب كل بيضاء اشحمه

والحبّ ما بين الرحي يصبح دقيق

والسوس ليمن حلّ بالحبّ اعدمه

كلٍ بها الدنيا يشجع له فريق

من فاز لا بد الليالي تهزمه

من زعل يشرب تحلية بحر الشقيق

لا يشغل العالم بكثر التمتمة

ترا الزمن لو طاوعك ماله صديق

الوقت يعرف دورته من يفهمه