الناس ذالوقت يا حاقد ويا حاسد
قد راحوا الطيبين بعصرنا الأول
أنا أتحدا تلاقي بالمية واحد
طيب ولو تجتهد بالبحث بتطول
ولا الرديين تلقى بالبلد واجد
يا كثرهم كثر يملا الأرض ومهول
لو راح منهم ميه تلقى بدل فاقد
من غير ما تتعب أقدامك وتتجول
لا يغرك المنظر المتملق الزاهد
سحاب صيف يضل الأرض ومخول
جسم الأفاعي يظلي ناعم بارد
والماكر يزيد في مدحك ويتقول
وإن وصلت الجد خذ من علمي الواكد
والله لا تبطي تجر الصوت وتمول