انكتم واصمُت ودنّق وانثبِر
أنت هَتله لا تهشّ ولا تنشّ
بالبلاهة فيك من طبع البقر
وتسمع الإيعاز ليمن قالوا: أشّ
يا غبي ما أنت بشاعر معتبر
أنت من كبّر... بالخيش
بالهياط وبالكبر فوق القمر
لكن بلع في زغودك ما الحبش
الفرس ليما ألقحت تنجب مهر
والأتانة ما تجيب إلا جحش
يا لهلامة لو تطقّ وتنفجر
ما نويت أرفعك ولا أمدحك غشّ
يا خسارة تنتسب لابني...
يا الذبابة من مواكيلك تعشّ
الذئابة يحشروك وتنحشر
مثل بالونة إذا فشّت تفشّ
قنفذن من حين تحنّس بالخطر
تنقلب كورة تلمّ وتنكمش
والرخمة ساعة يمرك تنقعر
لا تلف ولا تدور ولا تكشّ
والنجاسة والخباثة والزفر
في علابيك المهينة والعكش
خير ما فيك إن شكلك مندثر
وجهك المخزي مثل لون الكرش
ليتهم ناموا قبل وقت الفجر
ولا ليته مثل ما قالوا: طحش
يمدحونك كذب يا الوجه الغبر
لجل بالمدحة تكوش وتنتفش
شكلك يذكرني بشكل الوحر
إن شعرت بخوف في جحرك تخشّ
لا تجي في مبتدأ ولا خبر
حرف جر زاد والزايد يطشّ
مثل شعرة نابتة جنب الثفر
ثابتة فيها النجاسة لو تمشّ
زنبغة يطمر عليها من طمر
كلما تنحك أسافلها ترشّ
انتحر ولا فبرطم وانقهر
ما حدٍ حدّك تثور وتبتلش
فيك من طبع الغجّارة والغجر
وفيك نعرة من نعارات الكدش
ألف خيبة وألف تفلة والبعر
فوق وجهك يا لهلامة تخترش
أهب واخسأ يا الخبيث المنكسر
وإن سمعت الهجو يا التافه تغشّ
القوافي كنها وبل المطر
فوق راسك يا المريض المرتعش
كنت غافل عنك يا الوقح القذر
وأنت مثل اللي عن الشفرة نبش
دوب قربنا من النار القدر
والشباري فوق راسك يا الدبش
مثلك وشرواك ليمنه فغر
أكتمه وذوّقه سمّ الحنش
وان زعلت ابصم دهر واقضم حجر
ما نويت أرضيك لو دمعك جهش
أشهد إنك طحت في مرقى عسر
ويش حدّك للنذالة يا الخفش
ناوي أكحل عيونك بالصبر
وناوي أزيدك على عمشك عمش
يوم تتنمّر على صورة نمر
وأنت أرنب من خمشها تنخمش
نرفعك وأنت وضيع وتنحدر
وكل من يبغى يحوسك تنفرش
ما بقى إلا ندفنك جوف الحفر
بعد ما نرميك من ظهر النعش