مرت من الغيد الفوارق وحده
ماهيب مثل العالم المرارة
هذي حريقه جاهزه ما باقي
ما باقي إلا وتشتعل شراره
عطر يداوره الهوى وتضمه
وتجامله وتهدي استنكاره
تتشقلب وجيه البشر لاعدت
وتعلق الدنيا على مسماره
خطواتها وحده وراها وحده
مقسمه بالشبر والمتاره
تمشي خطاويها برتم ونغمة
كنك تمشيها على القيثارة
واليا انثنت للأرض تاخذ حاجه
اتقول طعم في طرف سناره
تحرق صدور المترفات ان مرت
اكثر من السيقار والسيقاره
اتوزع البسمة على اللي معها
إياك اعني واسمعي يا جارة
ارق من نسمة عبير غادي
تحت النحر وشوي فوق زراره