كل حزن بهالمكان وله مواري
كل جرح بهالخفوق وله قضية
بيني وبين القليل من انتظاري
احتجاجات وحروب طائفية
وانكساري بعض الأحيان انكساري
لي عليه ملاحظات وله عليه
ينهزع ليل ويجي ألفين طاري
تنولد فكره وتتغلف هديه
يسري الليل ويصير الصبح عاري
يركض يدور من الأشجار فيه
ترسم أظفار الهواجيس احتضاري
كل ما أغرسها وترجع لي بذيه
كنت داري ليتني ما كنت داري
يا ألف باء الحروف الأبجدية
ذي تماثيل المكان وذا مداري
وذي ممرات الظنون السرمدية
الحزن في مثل هالوقت اضطراري
والبكاء في مثل هالوقت أولوية
اتخذت من اطرف الفكرة قراري
وانحسرت إنسان قلب وطيب نيه
يمكن اغير على البيداء مساري
يمكن اخذ من بعض نفسي خويه
لا تشوف اللي تحت عيني سماري
ذي جداول دمعة العين الشقية
باختياري كل هذا باختياري
المضض واللبس والعين الغويه
فالحدود الممكنة كان انتشاري
في مداد النور كنت انبل ضحيه
ما عشقت من النجوم إلا السواري
وما كرهت من النفوس إلا الردية
من خيوط الشمس يغزل لي نهاري
من يدين أمي الحنون الاجوديه
وفي بقايا الأمس كان آخر وقاري
وكانت آخر خطوتين المقدرية
غرفتي قبري بعض حظي مزاري
حيز يعكس دنا الدنيا الدنية