لولا العيون اللي فضح دمعها الشوق
ولا.. الضلوع اللي تحطّم.. بالأشواق
ما اسهرت أنا ليلٍ ولا اتعبت أنا الموق
ولا كان لي رسمٍ.. على وضح الأوراق
ولا صرت دون النجم أناجيه من فوق
ولا غاب مع همسي قبل وقت الإشراق
وخليت جمرٍ في الدجى بات محروق
تذري عليه الريح من عقب الإحراق
في خد كثبانٍ من الريح مصفوق
أصفى من ألوان الذهب بين الأسواق
السهد ماخلا من الطيف.. مطروق
اظما.. هدب عينٍ بها جفو.. الاطراق
ماكن في قربي من الناس مخلوق
من كثر ما علقت.. عيني بالآفاق
كلٍ بها الدنيا على الحظ مسيوق
حقٍ.. وتصخيه الليٰالي بالأحداق
كمٍ تلعثم ف اسفل الصدر منطوق
كل الأماني.. والرجا طٰي الأعماق
مديت كفٍ.. كلها دم وعروق
وما غير رسم الشوق في جلدها باق