ابتسم.. ابتسم..
دام هالدنيا لوجهك تبتسم
لو بيدي.. أشتري منك ابتسامة
وأنطلق فيها معك لأعلى غمامة
ونكتشف من فوق..
ليه الابتسامة غاليه
وليه هي تاج النعم
ابتسم.. ابتسم
شوف في عيون البشر.. وأحوالهم
وين ما طاح النظر.. بأطلالهم
تلقى منظر ما يسر.. يرثى لهم
اللي في دياره غريب
واللي جافاه النصيب
واللي يتمنى الهنا
واللي فارقه الحبيب
واللي له ماضي كما الحنضل..
ورغم هذا يبتسم..
الأكيد إن حاضره أجمل
وبسمته همسة نغم
ابتسم.. ابتسم
بسمة الأرض والقمرا.. ضياها ابتسامك
كلها بسمةٍ صفرا.. بدون ابتسامك
وش تبي؟.. من تبي؟..
كل الأحبة معك
كل واحد يبي ودك وبس يسمعك
كل واحد بلا حيلة..
مناه اهتمامك
خلي الورد يرجع للربيع.. بابتسام الخدود
واترك الأمر لله البديع.. بالسعادة يجود
ابتسم.. ابتسم