اللي هجرته وفارقته بقلبٍ صَبّ
يا ما جرى الحبّ في دمّي وفي دمّه
من بعد عمرٍ لقيته صدفةٍ بالدرب
ونصدّ ما كنّ أحد يمّي ولا يَمّه
ابسأله، وش جنى زرع الغدِر والكذب
وش نال من كثر غربالي بلا ذِمّة!
لو ما تمادى، أبد ما مات فينا الحبّ
وما كان أحد بات عقب الوصل في غمّة
أبشره زانت الدنيا، صفَت للشرب
والعمر قدّامي أزهر طاب لي شَمّه
عوَّضني الله بخلاّنٍ طيور بْسرب
دايم على قلب واحد، دايم بْلمّة
معاشرتهم تردّ العافية للقلب
أهلي وربعي، عيال العمّ والعمّة
أهل الوفا، درع في يمناك وقت الكَرب
والهمّ لو طال أحدنا خفَّفوا همّه
اللي هجرته، أحسّه ضاق منّي غصب
وأقول تبغى الصدِق وإلا ولد عمّه؟
لا شكّ من يخلص النيّة ينال الصعب
ومن يغدر بْصاحبَه يموت في سُمّه