آخرْ مَزْمُور بْصَفْحَاتِي
كْتَبْتُو بْدَمْعَاتِي الْعطْشانِه
عَ الْمَلْقَى.. مَرْهُونِه حْيَاتِي
يَا عَلِي.. فكِّلِّي رْهَانِي
اشْتَقْتِلَّكْ.. نَاوِلْنِي إِيدَكْ
لاقِينِي.. بَلْسِمْلِي جْرُوحِي
وْضَوِّينِي بِلْيَالِي عِيدَكْ
شَمْعَه، بْتِسْهَرْ مَعْهَا رُوحِي
كلّ الْ قلتُو.. قلْتُو بْفَرْحَه
زْرَعْتُو بْدَفْتَرْ عُمْري.. عُمْرْ
حيَّكْت مْنِ حْرُوفُو طَرْحَه
لبَّسْتَا لِمْرُوجْ الزَّهْرْ
نصْرَانِي.. وْنادِرْ غَنِّيلَكْ
غِنِّيِّه، لَحْنَا مَعْرُوفْ
غَنُّوها الْكلّ مْقَابيلَكْ
دَقُّوا كِلْماتَا عَ دْفُوفْ
عَ الزَّقْفِه، الْ صَارِتْ تِحْكِيلَكْ
كِيفْ طَارِتْ مِنْ بَيْن كْفُوفْ
نَغْمِه، تَ النَّغْمِه تْصَلِّيلَكْ
وِبْمَعْبَدْ عِينَيْك تْطُوفْ
بْحِبُّنْ كلُّنْ، كلُّنْ، كلُّنْ..
يهُود، نْصَارَى، وْإِسْلامْ
بْحبُّنْ كلُّنْ، كلُّنْ، كلُّنْ
مَهْما تْفَرِّقْنَا الإِيَّامْ
عَ مْطَلِّي مَرْسُومْ مْطَلُّنْ
يَا عَلِي.. وْأَللّه الرّسّامْ
إِيمانِي.. خَلاّنِي جِلُّنْ
وْإِتْكِي عَ مْزَامِيري وْنَامْ
وْوَزِّعْ عَ النَّاسْ.. الأَحْلامْ