ان جيت لأشباهه فماله أبد زيّ
بس البلا بأشباه من يقربو له..
اشوفهم في كل ديره وكل حيّ
ثم صار في عيني خياله وزوله..
وان جا على بالي وانا جالس احكيّ
اتضيع مني كل كلمه بْسهوله..
غصب أتلعثم بالحكي واسكت شويّ
من خوف لا اغلط بإسمه واقوله..
ما يشبهه حتى القمر لَمتلى ضيّ
وحتى البشر يبطون ماهُم بحوله..
وحتى السما مع غيمها لَنثرت ميّ
وحتى بياض الثلج حزت هطوله..
أزكى من الجوري ليا هزهزه رَيّ
وأنعم من أجفان البني بالطفوله..
بسم الله الرحمن من عين كل حيّ
من شافه يحبه وينسى ميوله..
ولأنه حبيبي بالغلا وكل من ليّ
يعجز جَمال الوصف انه يطوله..
وشلون يُوصف شي ماله ابد زيّ.!
ما له سوى نفسه بوصفه وطوله..