المحبه تطلب الشخص التسامي
ودونها يلقى المُحب أقسى حتوفه..
لا تشكا من ضماك لشخص ضامي
وأنت ما عمرك رويت الي بجوفه..
صاحبك في ما مضى بالوصل حامي
لين برْدَت هالمشاعر في حروفه..
كان يبغى يكون بالصف الأمامي
بس قلبك للأسف أهمل ضيوفه..
وقبل ما تظلم وتبدآ بإتهامي
شوف يدينك عن الوصل إمخطوفه.!
ودام وصلت بالنهايه لإحترامي
اسمع الي جاي والدنيا مخلوفه..
لا تحاسبني على قل إهتمامي
إهتمامي يعكس الي منك أشوفه..
قرب إذنك هاتها وإحفظ كلامي
من تكبر ورْتفع خشمه نعووفه..