ياظالمه ماينفعك يوم تبكين
ماينفعك يابنت كثر الحسايف
جيتي دموعك مستهله من العين
جيتي وقلبك فاقدٍ له ولايف
من بعد ما زدتي على الجرح جرحين
جايه تقولي يابعد هالطوايف
لاتشتكي ارجوك لا لا تشكُين
بعتك خلاص اليوم والقلب عايف
انتي نسيتي حبنا يوم تقسين
شلت القهر والضيم وسط النحايف
عشت بعذابك يوم ذقت الأمرين
وآخر حنانك يطلع الحب زايف
وش ذكرك يابنت دامك تخونين
وش ذكرك حبٍ طوته الصحايف