بكرا بيكبروا الصغار
ومن هالدار بيفلوا
وبتدبل الوردات
وبيوقعوا وراقها
وبيحملها الهوى وبيطير
والعصافير يلي كانت تغرد
بتهجر المكان
وبيبقى من بعدها الصدا
وشوية صور وخيالات
ولمحة ذكريات
وبالبال بيضلوا
وبيخلص الحلم كأنه فلم
بكرا بيكبروا الصغار
وبيسرقهن العمر منا
ومنصير نتمنى
يجوا يسألوا عنا
وكل ما ندق الباب
يطلعوا مش هن
يا هالعمر شو كذاب
وقديش مخبي عذاب
شو تمنينا يبقوا صغار
بلمح البصر صاروا كبار
قديش سهرنا ليالي
وغفيوا عا إدينا
ويا ما يبقوا صاحين
وتغفى عينينا
يا ما حكينا حكاوي
وغنينا
وياما رقصنا
ليضحكوا علينا