يكفيه قلبي ياهوا البال ماجاه
جرحتني جرحٍ بقلبي خطيري
اشوف انا اسمك دايم الدوم واقراه
والضاهر انه تاه واخطى مسيري
هذا جزاي الصد يوم اني القاه
ولاجزاء رد الوفا مايصيري
حكّم ضميرك كان تمشي على رضاه
ولا ضميرك مات والفى لغيري؟
تعال وكشفلي سراير مخبّاه
عطني على المكشوف لاتستديري
اما ارضني ولا اجفني كان تبغاه
خلك على وضح النقا لاتحيري
هذا الكلام اللي وصلك من اقصاه
موقف خذيته مثل حد الشطيري
خطيت انا خطٍ حمر لاتعداه
ماني ضعيف النفس يرضى الخشيري
عطيتك اللي يشفي القلب مع داه
وختار مايملي عليك الضميري
ولا بمان الله ولا تقول وش جاه
قلبي جزع من كل شي يصيري