كم عام مرّت علينا.. ما تلاقينا
جانا الهوى.. بس ليش الوصل ما جانا
ذي قصة الأمس تبَكينا وتبكِينا
وهذي دموع السهر في وجه ذكرانا
الوقت من وين ما ودّه يوديّنا
وحنا نتفرّج ونسكت يوم ودّانا
ياما سهرنا وسولفنا وغنيّنا
الليل مركب ونصفه كان مرسانا
تشابك عيونّا ونشبّك يدينا
تذوب شمعة ونشعل شمع لقيانا
واليوم شوفي ليالينا تنادينا
قدّام لا نحترق من عز فرقانا
أضحى التنائي بديلاً عن تدانينا
وان طوّل البعد.. رحنا في خبر كانا!!