حذراك يا سايق ذلولك على صفحة صفاه
في مقفرٍ للخوف جسّار ناداك النذير
لا تامن الدنيا ترى الوقت دوّاره رحاه
لا درهمت زملك تبتَّر معك حبل الجرير
شفني وأنا كنت احسب الحلم ما يبلغ قصاه
لين انثنى عزمي بعد طال فالدرب المسير
استفهمت كل المشاعر تبي بعض انتباه
تسائلت عن حابس الصبح في ليل الغرير
يا كيف مدري عنك يا ليش كم ماذا لماه
في من وهل ماذا متى أين ما خلف الضمير
تسائلاتي مالقت علم يكفيني سواه
وأيقنت بإن الوقت مالان والممشى عسير
حتى وقوفي لاهنا صعب يا صعب الحياه
والبوح والكتمان يوقد على كبدي سعير
أصغر همومي يفلق الضلع ويفتت حصاه
واكبر همومي سبعة ابحور ما فيها غدير
لا صار مالي فالمدى عون يا وين النجاة
ما حيلتي لامن غدى الظل في عز الهجير
الصاحب اللي يحفظ الود حتى اسمي نساه
وش لون مدري كيف ينساه ذو الطبع البرير
علمني اقصر خطوتي وقت ما تدرك مداه
وأجنّب اللي يجلب الظن دونه واستخير
واطلق جناحي والهواجس لقت صوت وصداه
عندي ولو ما كنت أنا بابن أبي سلمى زهير