عروس النهر كانت ضحيه لشط النيل
على هامش اسطوره تحقق مع الجهال
يجيب الخبر منهو يناقش مع التفصيل
ويشرح قضيتها على ناقل المرسال
يقول البشرفيها جهاله مع التضليل
تعلل جريمتها على الناس بالأمثال
ومع كل جيل يمر تنقل ضلالة جيل
جهل والجهول أعمى بصيره قصيراحبال
تقول النهر يبغى ضحيه عشان يسيل
ومرت على هذي الفعايل سنين اطوال
وأدها بعد فتح زهرها قوي الحيل
وهي مالها حيله على حيلته تحتال
سندها عطا غيره على روحها توكيل
يدوربها زوده يبي بإسمها يكتال
وهو ينقش الحسره بكبده بلاتحصيل
ومع كبرته يمشي على قبرها يختال
شرب عرقه الخامد نكاده ومنه يكيل
ثمرقلبه الساقي نباته بعد ماسال
ضحايا شكت جورالظليمه مع التنكيل
ولاأوهى من اعذار السواقي كلام يقال
عرضت الخبر وأبغا المشوره جلية ليل
من الي على حكم العداله ثبت مامال
ابي يعرض احلوله على كثرة التعطيل
ويحمي بها منهي على ضفته تغتال
وكان الجواب الي جعل للجهل تحويل
شهاده لها عند الخلايق كثير اجلال
إذاجائكم مني كتابي على التعجيل
فألقوه ينبيكم بيانه عن الأحوال
على نهركم هذا بعد مبلغ التضئيل
يقص العظم نصه حجج تكسر الأغلال
وهو بإسم من نزل لنا محكم التنزيل
رحيمٍ حفض عبده على غبة الأهوال
إذا يانهر تآمر على نفسك التفعيل
وتملك خياراتك على مجمل الأفعال
إذن قف ولانطلب على ضفتك تسبيل
مكانك ولانطلب على شاطئك إسبال
وإذا كان بأمرالله على جريك التعويل
إذن فإجربأمرالله ولاتنقص المكيال
خضع مائه الجاري وبأمر الله التسهيل
قضى حكمه النافذ وهو يكتب الآجال
محا خدعة الخادع وثبت لهاتبديل
بأن الله القادر على ان يزيل اجبال
دحض حجة الباطل على ايدي هل التهليل
وكسر شوكة الظالم لنفسه وظلمه زال
ولاغاب عن علمه خبر يرتحل ويحيل
وبهدايته تسعى عباده لخير أعمال
ولايجهل الخافي لو انه من التقليل
مثل حبة الخردل خفاها وجد مثقال