جيت أرتّب في غيابك ما بقا لي من عذابي
وأنتِ المكتوب في سطر العمر لولا الرواية
يا ملاذ الروح لو جار المدى وأقفر جنابي
يا التفاتات الفرح في زحمة دروب الرزاية
شاعرِك ما تاه لو طال السرى وأعمى صوابي
بين رمشك والهوى قصّة ولا تحتاج آيه
عاشك جنون حسي في حضورك في غيابي
لين صرتي في عيوني غايتي وأجمل بداية
يا سرابٍِ طال طرده مير ساكن في زهابي
كل ما هزّ الحنين الروح مرّيتي حكاية
علّمي طيفك يمرّ بْلطف لا يدمي صوابي
شابت أبيات القصيد ومدمعي عيّا كفاية
صاحبك عاف المشاوير الطويلة والسرابي
عارفٍ درب الوفا مير الجفا صاير هواية
لو طوى ياس الزمان أخضر ضلوعي مع شبابي
أقسم بْربّي بأنك وحدك بصدري ولاية
شاعرك لو تاه في ليل الندم يحرم يحابي
باع لأجلك توبته واختار تاريخ الغواية
يا طهارة غيمةٍ سهم الصدود بْها رَمَى بي
جفّت عْروق الغلا مير الملامح لك مراية
صوّتي لي لو يطول الصمت واستفحل غيابي
قبل ما يطوي السهر صبري ويسترسل بكاية
إن تلاقينا فأنتِ دنيتي وأجمل إيابي
وإن تبارَكنا بْموت الحلم ف الذكرى كفاية
احفظيني في كتاب الموت في صفحة عتابي
واذكري إنّي كتبتِك دمع في آخر رواية