آه من هذ النار اللاهبة

آه من هذ النار اللاهبة

من حر الأشواق

آه منها تنهيدة لَمْذُوْبَة

من حُرْقَة الفراق

كل ما جيت نفكر

نلقاك فخيالي

كل ما جيت نَهْدَرْ

تسبق لبالي

ساكن روحي وأعماق الأعماق

ايلا فتحت عيوني

نلقى صورتك فيها

ولي حكيتلو محوني

يسبق ويْعَوَدْ عليها

كلشي غيرك لخباري ساق

ما وصلك حديثي ولا جاك خباري

صمت وغموض وعالم اسرار

ما حبيتي ولا حسيتي ولا كواتك ناري

متردد وحاير باين فأمرك محتار

محمقني ومحبب لي الحماق

شكون لي جرب هذالنارالقايدة فيا

او يكون هزو فقلب عماقو حب شديد

هذا الغرام لي حكاوا عليه لي بيا

رغم مرارو وعذابو مذاقو لذيذ

لذة المشتاق لي غامر وذاق