أنت شتركت بداخلي شي باقي ؟
قلي وانا بوعد دموعي اعاتبك
ماغير حزن ودمعه وطير شاقي
واقف على سورالمشاعر يراقبك
خايف من السلوان ليلة فراقي
لاشافني ماني هنا مايجاذبك
بكره تبي تشتاق ضحكي عناقي
ولاعاد تلقى بالهوا قلب راغبك
هذا المساء ركن المفارق و ساقي
جالس بظلما ساكرينه يحاسبك
يضني صباحه لون بهجة زراقي
وتنفض غيومه نوها عن مشاربك
خلك معه في غمرة الحزن راقي
دام الجفا مع مر الايام صاحبك
وكن للوفا مثل الشجر وإحتراقي
في ذروة غيابي وتكة عقاربك
دامك نسيت شلون كان اشتياقي
وأنكرت عشره بيننا عند أقاربك ؟